O‘zA, Nazokat Usmonova, 08.05.2013 yil
Toshkent Fotosuratlar uyida 9-may – Xotira va qadrlash kuniga bag‘ishlangan badiiy ko‘rgazma ochildi.
O‘zbekiston Badiiy akademiyasi tomonidan tashkil etilgan tadbirga yoshi ulug‘ ijodkorlar, musavvirlar, usta va hunarmandlar, mehnat faxriylari, talaba-yoshlar taklif etildi.
O‘zbekiston Badiiy akademiyasi raisi o‘rinbosari J.Mirtojiyev va boshqalar Prezidentimiz Islom Karimov rahnamoligida nuroniylarga izzat-ehtirom ko‘rsatish, salomatligini mustahkamlash, ularni har tomonlama qo‘llab-quvvatlashga alohida e’tibor qaratilayotganini ta’kidladi.
– Ikkinchi jahon urushi boshlanganida sakkiz yoshli bola edim, – deydi yog‘och o‘ymakorligi ustasi, O‘zbekiston xalq rassomi, akademik Ortiq Fayzullayev. – O‘sha murakkab davrning og‘ir kunlari, mashaqqati aslo xotiramdan o‘chmaydi. Bularning barchasi bugungi tinch va osoyishta, to‘kin, farovon, baxtli kunlarimizning qadriga yetishga undaydi.
Ko‘rgazmada bugungi saodatli kunlarimiz, urush va mehnat faxriysi bo‘lgan mo‘yqalam sohiblari, usta-hunarmandlar siymosi aks ettirilgan kartinalar, fotosuratlar nomoyish etilmoqda.
Manba: http://uza.uz
Tags Madaniyat
No comments
Comments feed for this article
Trackback link
http://tarixchi.zn.uz/2013/05/09/suratlarga-ko%e2%80%98chgan-xotira/trackback/