Maktabimizda «Bolalarga bering dunyoni» deb nomlangan tadbir bo’lib o’tdi.
Dunyo miqyosida har yili 1 iyun bolalarni himoya qilish kuni sifatida keng nishonlanadi. Kattalar uchun bolalarning ta’lim va hordiq olishlarini ta’minlash, ularni asrab avaylash lozimligini yodga solib turuvchi bu bayram doim tadbirlar bilan nishonlanadi.
Manbalarda keltirilishicha, 1949 yilning noyabr oyida Parij shahrida bu sanani bayram sifatida nishonlashgan. Ayollar Xalqaro Demokratik federatsiyasining yig’ilishida qabul qilingan bo’lib, bolalarning huquqlarini, hayotini va sog’ligini himoya qilishni o’zining yetakchi yo’nalishlaridan biri sifatida BMT ushbu harakatni ma’qulladi va belgiladi.
Bu sana bizning mamlakatimizda ham keng nishonlanib, bolajonlar uchun istirohat bog’lari va muassasalarda turli xildagi xayriya aksiyalari, konsertlar, uchrashuvlar, sayohatlar va ko’ngilochar tadbirlar uyushtirildi.
Jizzax viloyati Do’stlik tumanidagi 10-umumiy o’rta ta’lim maktabida ham «Bolalarga bering dunyoni» deb nomlangan tadbir bo’lib o’tdi.
Ushbu tadbirda rang-barang konsert dasturlari, asfaltga rasm chizish tanlovi, “Quvnoq startlar” musobaqalari o‘tkazildi. O’quvchilarga bayram sovg‘alari ulashildi.
Tadbirdan lavhalar